राष्ट्रिय युवा संघ नेपाल कञ्चनपुरको जिल्ला अधिवेशनको तयारी पुरा

राष्ट्रिय युवा संघ नेपाल कञ्चनपुरको जिल्ला अधिवेशनको तयारी अन्तिम चरणमा पुगेको छ । एमाले निकट राष्ट्रिय युवा संघ नेपाल कञ्चनपुरको जिल्ला अधिवेशनको तयारी अन्तिम चरणमा पुगेको हो ।
शुक्रबारदेखि महेन्द्रनगरमा राष्ट्रिय युवा संघ नेपाल कञ्चनपुरको १०औँ जिल्ला अधिवेशन हुन लागेको छ । उद्योग वाणिज्य संघ कञ्चनपुरको हलमा बिहान ११ बजेदेखि शुरु हुने जिल्ला अधिवेशनको सम्पूर्ण तयारी पुरा भएको जनाईएको छ । राष्ट्रिय युवा संघ नेपाल कञ्चनपुरका नेता एव सम्मेलन कार्यालय सदस्य नविन चन्दले जिल्ला अधिवेशनको तयारी अन्तिम चरणमा पुगेको बताए । उनका अनुसार सम्मेलनको तयारी पुरा भएको छ ।
नेता चन्दले एमाले पोलिट्ब्यूरो सदस्य समेत रहेका युवा संगठनका इन्चार्ज महेश बस्नेतको प्रमुख आथित्यमा, संगठनका केन्द्रीय अध्यक्ष क्षितिज थेवेको बिशिष्ठ आथित्य सहित कञ्चनपुरमा रहेका केन्द्रीय, प्रदेश र जिल्ला स्तरका नेता कार्यकर्ताहरुको उपस्थितिमा भेला हुने बताए । सम्मेलनमा जिल्लाभरीबाट १५६ जना प्रतिनिधी छनौट भईसकेका छन ।