भीमदत्तको बेथितिविरुद्ध स्थानीय आन्दोलित, निशानामा पर्‍यो लामा कन्सट्रक्सन

 महेन्द्रनगर:

भीमदत्त नगरपालिकाभित्र विकास निर्माणमा भइरहेको बेथितिविरुद्ध वडा नम्बर ४ महेन्द्रनगरका स्थानीय आन्दोलित भएका छन् । सडक निर्माण योजना सञ्चालन भएका ठाउँमा सडक भत्काएर लामो समय अलपत्र पार्ने र समयमै काम नगर्ने प्रवृत्तिविरुद्ध स्थानीय आन्दोलित भएका छन् । महेन्द्रनगरको मदन चोकका स्थानीयले लामा कन्सट्रक्सनका गाडी नियन्त्रणमा लिएर रोकेका छन् ।

विरोधस्वरूप गाडी रोकेपछि स्थानीयले भीमदत्त नगरपालिकाका मेयर, उपमेयर र वडाध्यक्षले फोन गरे पनि कसैले वास्ता नगरेको स्थानीय हरिशरण भट्टको गुनासो छ । शहरी विकास परियोजनाअन्तर्गत महेन्द्रनगरमा भइरहेको काममा ढिलासुस्ती भएको, गुणस्तरहीन काम भएको भनेर पटक–पटक स्थानीयले असन्तुष्टि जनाउँदै आएका छन् ।