दोधारा चाँदनीमा एमालेको चुनावी घरदैलो : बुहमत आउनेमा प्रतिनिधी र प्रदेश सभा सदस्यका उम्मेदवार ढुक्क

दोधारा । आसन्न प्रतिनिधि सभा र प्रदेश सभा निर्वाचनका लागि उम्मेदवारहरु चुनावी घर दैलोमा व्यस्त छन् । कञ्चनपुरमा पनि विभिन्न राजनितिक दल र स्वतन्त्र उम्मेदवारहरुले चुनावी गतिविधीमा व्यस्त छन् । नेकपा एमालेले पनि चुनावी घरदैलो कार्यक्रमलाई तिव्रताका साथ अघि बढाएका छन् । कञ्चनपुर निर्वाचन क्षेत्र नम्बर ३ मा नेकपा एमालेका उम्मेदवार निरुदेवी पाल र प्रदेश सभा ३ (ख) मा उम्मेदवार रहेका नेता सुरेन्द्र विष्टले दोधारा चाँदनी केन्द्रीत चुनावी घरदैलो कार्यक्रमलाई तिव्र बनाएका छन् । शुक्रबार देखि घरदैलोमा रहेका विष्टले शनिबार पनि निरन्तता दिएका छन् । नेकपा एमाले कञ्चनपुरका पार्टी अध्यक्ष समेत रहेका विष्टले दुई वटै तहमा चुनाव जित्न पार्टीका स्थानीय नेता कार्यकर्तालाई परिचालन समेत गरेका छन् । एमाले उम्मेदवारहरुले दुई दिन ढकनाघाट देखी वडा नम्बर ३, ६, र ७ का केही बस्तीहरुमा घरदैलो तथा भेटघाट गरेका छन् । नेकपा एमालेले शनिबारनै नगरका सबै वडामा संयुक्त चुनावी सम्र्पक कार्यालय समेत उद्धघाटन गरेको छ । कञ्चनपुर ३ मा राप्रपा नेपाल संग चुनावी तालमेल गरेको नेकपा एमालेले संयुक्त रुपमा चुनावी कार्यक्रम सञ्चालन गरिरहेको छन् । शनिबार दोधारा चाँदनी वडा नम्बर २, ३ र ४ मा वडा कार्यालय स्थापना गरिएको छ् भने आजै ५ मा पनि कार्यालय खोलिने पार्टीले जनाएको छ । एमालेले प्रतिनिधि सभा र प्रदेश सभामा निर्वाचन जित्ने रणनीति बनाएको छ् । दोधारा चाँदनीमा स्थानीय पालिका जितेको एमाले बलियो मनोबलका साथ त्यहाँ परिचालित भएको छन् । पार्टी नेतृत्वको सरकार र विगतमा आफुहरुले गरेका कामहरु ज्नता माँझ लिएर गएको एमालेले स्थानीय र राष्ट्रिय विकास मुद्धा सहित चुनावमा होमिएको छन् । एमालेले दोधारा चाँदनीमा सुख्खा बन्दरगाह निर्माण, मझगाँउ विमानस्थल सञ्चालन, दोधारा प्राथमिक स्वास्थ्य केन्द्रको स्तरोन्नती तथा सेवा विस्तार, महाकाली र जोगबुडामा पक्की र बलियो तटबन्ध निर्माण, दोधारा चाँदनीलाई व्यवस्थीत तथा सम्मानीत सीमा शहर बनाउने, विपन्न वर्गको उत्थान, स्वरोजगार तथा उद्यम, सीमा समस्या समाधान लगाएतका योजना अघि सारेको छ् । दोधारा चाँदनीमा स्थानीय निर्वाचन भन्दा पनि एमालेको जनमत राम्रो रहेको स्थानीय नेताहरुले बताएका छन् । नेकपा एमाले दोधारा चाँदनी ईन्चार्ज राजिव खड्काले एमालेले फराकिलो मतान्तरले लिड गर्ने बताए । ‘अहिले नेकपा एमाले यस क्षेत्रमा बलियो अवस्थामा छ ।’ उनले भने – ‘पार्टी पंङ्त्ती र उम्मेदवारहरु हाम्रो जनमत विस्तारमा लाग्नु भएको छ, दोधारा चाँदनीबाट हामी राम्रो मतका साथ लिडिङ् पोजिसनमा रहन्छौंक ।’