दार्चुला काँग्रेसः सभापतिमा संस्थापन इतरका बोहरा बिजयी

नेपाली काँग्रेस दार्चुलाको सभापतिमा ललितसिंह बोहरा बिजयी भएका छन् । प्रतिस्पर्धी अमरसिंह धामीभन्दा दोब्बर बढी मत ल्याएर बोहरा बिजयी भएका हुन् । बोहराले ६ सय २० मत ल्याउँदा धामीले ३ सय ९ मत मै चित्त बुझाए । धामी संस्थापन अर्थात पार्टी सभापति तथा प्रधानमन्त्री शेरबहादुर देउवा निकट मानिन्छन । संस्थापन इतर समूहका बोहरालाई केन्द्रीय सदस्य तथा मन्त्री दिलेन्द्र बडूको साथ रहेको थियो। नेपाली काँग्रेस दार्चुलाको सातौँ जिल्ला अधिवेशनबाट उनले पुनः दोस्रो कार्यकाल सम्हालेका छन् । यस्तै उपसभापतिमा ललितसिंह ठगुन्ना (५४०), महादेव बडू (४८२), सचिवमा पुलेन्द्र बहादुर कार्कीले सबैभन्दा बढि मत (६६५), माधवराज भट्ट (४८२), सहसचिवमा राजु अवस्थी (५६९), राजेन्द्र प्रसाद जोशी (४२८) मत ल्याएर विजयी भएका छन् ।