युवा लोकेश जंग क्षेत्री निर्देशनमा किन होला ?(भिडियोसहित)

महेन्द्रनगर:

कलाकारिता क्षेत्रमा नव प्रवेशी युवा लोकेश जंग क्षेत्री(लोकेश ऐर) ले नयाँ म्युजिक भिडियो दर्शकमाझ ल्याएका छन् । क्षेत्रीले आफ्नै निर्देशनमा पहिलो म्युजिक भिडियो दर्शकमाझ ल्याएका हुन् । ‘किन होला’ गितको बोल रहेको म्युजिक भिडियो ओएसआर युटुयुब च्यानलबाट रिलिज भएको छ । दिलु पर्खिनको स्वर रहेको उक्त म्युजिक भिडियोमा समिर खान र प्रश्ना कार्की मुख्य भुमिकामा देखिएका छन् । त्यस्तै केशब पाण्डे र रितेष थापाको छायाँकन गरेको भिडियोमा विकाश विसीको सम्पादन रहेको छ । भिडियोमा प्रेम र रोमान्सका दृश्यलाई देखाइएको छ । गितमा प्रेमभावका भावना जागृत गराउने शब्द र दृश्य रहेकाले युवामाझ गित लोकपिर्य हुने निर्देशक क्षेत्रीको विश्वास छ । गितमार्फत कलाकारितासँगै निर्देशन नयाँ आयाम ल्याउन सानो प्रयास गरेको उनको भनाई छ । कञ्चनपुरका स्थानीय रहेका क्षेत्री काठमाडौँमा रहेर अध्ययनसँगै कलाकारिता गदैँ आएका छन् । बाल्यकालदेखि गाउन, नृत्यसँगै कलाकारितामा अभिरुचि भएका क्षेत्री आफुलाई रंगमञ्चामा रमाउन मन पर्ने बताउछन् । ‘किन होला’ गीतको पुरा भिडियो हेर्न तल क्लिक गर्नुहोस ।