भीमदत्तले रेडक्रसलाई चार लाख रुपैँया सहयोग

महेन्द्रनगर:

भीमदत्त नगरपालिकाले रेडक्रसलाई चार लाख रुपैँया सहयोग गरेका छन् । ब्लड बैंक संचालनका लागि रेडक्रसलाई चार लाख रुपैया आर्थिक सहयोग गरेको हो । भीमदत्त नगरपालिकाले मंगलबार एक कार्यक्रमका विच नेपाल रेडक्रस सोसाईटी जिल्ला शाखा कञ्चनपुरलाई ब्लड बैंक संचालनका लागि चार लाख रुपैया आर्थिक सहयोग गरेको भीमदत्त नगरका प्रवक्ता हिमाल चन्दले जानकारी दिएका छन् ।

भीमदत्त नगरका मेयर सुरेन्द्र विष्टले रेडक्रस सोसाईटी शाखा कञ्चनपुरका सभापति टेकराज उप्रेतीलाई चार लाखको चेक हस्तान्तरण गरेका छन । भीमदत्त नगरका प्रवक्ता हिमाल चन्दले हरेक बर्ष रेडक्रसलाई रगत बैंक संचालनका लागि नगरपालिकाका तर्फबाट आर्थिक सहयोग गर्दै आएको बताए । भीमदत्त नगरपालिकाले ०७४ सालदेखि रेडक्रसलाई रगत अभाव हुन नदिनका लागि निरन्तर आर्थिक प्याकेज सहयोग गर्दै आएको उनले बताए । रगतको अभावले कुनै पनि नागरिक उपचारबाट बञ्चित नहुन दिन आफुहरुले निःशुल्क रगतका लागि रेडक्रसलाई रकम उपलब्ध गराएका प्रवक्ता चन्दले बताए ।