समाज सेवी विनयले गरे पहिरो पिडितलाई दश हजार सहयोग

महेन्द्रनगर:

कार्तिकको पहिलो हप्ता आएको बेमौसमी बर्षाले डडेल्धुरामा पहिरोका कारण क्षती बेहोर्नु परेका स्थानियलाई समाजसेवी सामाजिक अभियन्ता प्रकाश विनय मल्ले सहयोग गरेका छन् । युवा समाजसेवी सुरत तमोली र चेतराज ओझाले अमरगढी नगरपालिका वडा नम्बर १ को अनुगमन गरिसकेपछि त्यहाँका बाढी पीडितको समस्याको बारेमा हाल जापानमा रहेका मल्ललाई अवगत गराएका थिए । समस्या बुझिसकेपछि उनको टिम अमरगढी युवा एकता टिमसँग छलफल गरेर सात समुद्र पारी जापानमा रहेर पनि डडेल्धुराका लागि समाजसेवा गर्दै आएका प्रकाश मल्ल संग समपर्क गरे समस्याबाट अवगत भइसकेपछि प्रकाश मल्लले नगद रू १००००÷– पीडित दिलबहादुर ऐरलाई आर्थिक सहयोग गरेको युवा समाज सेवी सुरत तमोलीले बताए । स्थानिय सरकारे नगरपालिकाले गर्नु पर्ने काम युवा समाजसेवी मल्ले गरेको देख्दा स्थानियहरुले मल्लालार्य धन्यवाद पनि व्यक्त गरेका छन् । उक्त रकम अमरगढी युवा एकता टिमले पीडितलाई हस्तान्तरण गरेका छ्न् पिडित दिलबहादुर ऐरले “विपत्तिका बेला आफ्ना पनि आफ्ना नहुने यो जमानामा आफ्ना नभएर पनि सात समुद्र पारी जापानबाट विनय प्रकाश मल्लले जसरी आर्थिक सहयोग गरेकोमा उनलाई धन्यवाद छ दिन चाहेको बताए । यस्तो प्राकृतिक विपत्ति त्यसैमाथि पनि महान चाडपर्व आएको यस्तो बेलामा म गरीब माथि दया देखाई जुन प्रकारको सहयोग गर्नुभएको छ म जीवनभर उहाँको यो ऋण तिर्न सक्ने छैन् उनले भने, यस्तो विपत्तिमा सहयोगका लागि समन्वय गर्नु हुने प्रति धन्यवाद छ” । यस्तो विपदमा सरकारले हेरेन तर विदेशमा रहेरपनि आफनो जन्मभुमीका पिडित असाहयको सहारा बनेका मल्ललाई पिडितहरुले आएर समाज सेवामा लाग्न आग्रह गरे । यस्तै,गत कार्तिक १६ गते पनि मल्लले डडेल्धुराको अमरगढि ३ कोटेउराका १३ परिवारलाई राहत वितरण गरेका थिए ।