जीपले साईकललाई ठक्कर दिँदा महिलाको मृत्यु

महेन्द्रनगर । कैलालीमा जीपले साईकललाई ठक्कर दिँदा महिलाको मृत्यु भएको छ । जानकी गाउँपालिका –१० लम्की टीकापुर सडकखण्डमा लम्कीबाट टीकापुरतर्फ आउँदै गरेको बा १६ प ५३४९ नम्बरको जीपलेसाइकललाई ठक्कर दिँदा दिएको जानकी गाउँपालिका –५ की ३० वर्षीया अनिता डगौराको मृत्यु भएको हो ।
जीपको ठक्करबाट गम्भीर घाइते भएकी साइकल यात्री डगौराको टीकापुर अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ ।
त्यस्तै, साइकल चलाइरहेका मृतक अनिताका श्रीमान ३५ वर्षीय जोगराम डगौरा र उनका डेढ वर्षीय नाति सुशान डगौराको टीकापुर अस्पतालमा उपचार भइरहेको प्रहरीले बताएको छ ।
जीप चालक टीकापुर नगरपालिका –५ का २७ वर्षीय दिनेश डगौरालाई इलाका प्रहरी कार्यालय टीकापुरले नियन्त्रणमा लिएको बताइएको छ ।