चक्कु प्रहारबाट युवकको हत्या, एकजना पक्राउ

महेन्द्रनगर । कैलालीमा चक्कु प्रहारबाट एक युवकको हत्या भएको छ । टीकापुर नगरपालिका ८ का १८ वर्षीय अनुप साउदको हत्या भएको हो ।
अनुपको चक्कु प्रहारबाट मृत्यु भएको जिल्ला प्रहरी कार्यालय कैलालीले जनाएको छ । भजनी नगरपालिका – ३ का १९ वर्षीय किरन साउद माथी चक्कु प्रहार गरेको आरोपमा उनलाई प्रहरीले पक्राउ गरेको छ ।
चक्कु प्रहारबाट गम्भीर घाइते भएका अनुपको टीकापुर अस्पतालमा उपचारका क्रममा हिजो राति ११ बजेर ३५ मिनेट मृत्यु भएको कार्यालयका प्रवक्ता प्रहरी नायब उपरीक्षक प्रतिक विष्टले बताए ।
साउदलाई इलाका प्रहरी कार्यालय टीकापुरले नियन्त्रणमा लिई अनुसन्धान गरिरहेको छ ।