वडाध्यक्षकोे मोटरसाइकल प्रहरीको नियन्त्रणमा

कैलालीमा वडाध्यक्षको मोटरसाईकल प्रहरीले नियन्त्रणमा लिएको छ । मोहन्याल गाउँपालिका ५ का वडाध्यक्षले प्रयोग गर्दै आएको सरकारी नम्बर प्लेटको मोटरसाइकल प्रहरीले नियन्त्रणमा लिएको हो । वडाध्यक्ष छवीलाल हौजालीले प्रयोग गर्दै आएको से १ ब ७८२ नम्बरको सरकारी मोटरसाइकल झैझगडामा प्रयोग गरिएको भन्दै नियन्त्रणमा लिएको इलाका प्रहरी कार्यालय चौमालाले जनाएको छ । गत असोज २९ गते चुरे गाउँपालिका–४, बालुवागडामा बिहे भोजमा वडाध्यक्षका भतिजा चक्रबहादुर हौजालीले सरकारी मोटरसाइकल प्रयोग गरेर झैझगडा गरेका थिए । दशैंको बिदामा सरकारी मोटरसाइकल प्रयोग गरेर झैझगडा गरिएको देखिएको बताउँदै इलाका प्रहरी कार्यालय मालाखेतीका डिएसपी प्रेम शाहीले वडाअध्यक्षको मोटरसाइकल स्थानीयले समातेर प्रहरीको जिम्मा लगाएको बताएका छन् ।