कञ्चनपुरमा सोमवार १८ जनामा संक्रमण पुष्टि, ९ जना निको

महेन्द्रनगर । कञ्चनपुरमा पछिल्लो समय कोरोना संक्रमितको संख्या बढदै जान थालेकोे छ । १ संख्यामा देखिएको कोरोना संक्रमितको संख्या अब २ संख्यामा देखिन लागेको छ ।
आज सोमवार १८ जनामा कोरोना पुष्टि भएको छ । निषेधाज्ञा खुकुलो पारेसंगै आमसर्वसाधारण हरुले नेपाल सरकारले लागु गरेको स्वास्थ्य सुरक्षाका मापदण्डको उचित पालना नगरे पछि संक्रमितको संख्या बढदै जान थालेको छ ।
कोरोना संक्रमणको अवस्था अहिले पनि कायमै रहेकाले सबैले स्वास्थ्यका नियमहरु उचित तवरले पालना गर्नुपर्ने चिकित्सकहरुले बताएका छन् ।
आज कोरोना पुष्टि हुनेमा भीमदत्तमा ७ जना, दोधारामा ६ जना, बेलौरी र पुनर्वासमा २(२ र शुक्लाफँँटामा १ जनामा कोरोना पुष्टि भएको स्वास्थ्य कार्यालयका कम्प्युटर अपरेटर महिन्द्रा भटटले जानकारी दिएकी छन् । यो संगै कञ्चनपुरमा कोरोना संक्रमितको संख्या ८ हजार ६ सय ५२ पुगेको छ ।
कञ्चनपुरमा सोमवार ९ जनाले कोरोना जितेर घर फर्किएका छन् । अहिले सम्म कोरोना संक्रमणलाई जित्नेको संख्या ८ हजार ३ सय १२ पुगेको जिल्ला स्वास्थ्य कार्यालयले जनाएको छ ।
जिल्लामा सक्रिय संक्रमितको संख्या १ सय २९ पुगेको छ । अहिले सम्म कोरोना बाट मृत्यु हुनेको संख्या १ सय ९५ पुगेको छ ।