कञ्चनपुरमा ३ दिन देखि वेपत्ता रहेका वालक मृत फेला

महेन्द्रनगर:

कञ्चनपुरमा ३ दिन देखि वेपत्ता रहेका वालक मृत फेला परेका छन् । दोधारा चाँदनी नगरपालिका ७ मा घरबाट हराएका वालक मृत अवस्थामा फेला परेका छन् । लाल बहादुर बुढाका छोरा वर्ष ५ का शिशिर बुढा असोज ९ गते अपरान्ह ५ बजेबाट घरबाट सम्पर्क विहीन भएका थिए सोमवार घर पछाडीको आकाशको पानी जमेको तालमा मृत अवस्थामा भेटिएको प्रहरीले जनाएको छ । बालकको प्रहरी र स्थानीय सहित आफन्तहरूले विभिन्न स्थानमा र घर पछाडिको नालामा समेत खोजी गरेको तर आज त्यही स्थानमा मृत भेटिनुले हत्या भएको परिवारजनले आशंका गरेका छन् । हराएको घर देखि झण्डै २ सय मिटर पश्चिम दिशा तर्फ तालमा उनको शव फेला परेको बताईएको छ् । खबर पाएपछि नेपाल प्रहरी, सशस्त्र प्रहरी, आफन्त र स्थानियहरु घट्नास्थलमा पुगेका थिए । घटना बारे थप अनुसन्धान भईरहेको जिल्ला प्रहरी कार्यालय कञ्चनपुरका प्रहरी प्रवक्ता डिएसपी शिद्धराज न्यौपानेले जानकारी दिएका छन् ।