नेपाली काँग्रेसको १४औँ महाधिवेशनः कञ्चनपुरका ५ स्थानीय तहले नेतृत्व पाए

नेपाली काँग्रेसको १४औँ महाधिवेशन अन्र्तरगत शनिबार भईरहेको स्थानीय तहको अधिवेशन अन्र्तरगत कञ्चनपुरका ५ स्थानीय तहमा नेतृत्व चयन भएका छन । बेलडाँडी गाउँपालिका, दोधाराचाँदनी नगरपालिका, शुक्लाफाँटा नगरपालिका, लालझाडी गाउँपालिका र कृष्णपुर नगरपालिकामा नेतृत्व चयन भएका हुन । दोधाराचाँदनीमा राजेन्द्र मल्ल, शुक्लाफाँटामा दान बहादुर ऐर लालझाडीमा श्रीकृष्ण राना, बेलडाँडीमा गजबहादुर विष्ट निर्वाचित भएका छन । बेलडाँडी गाउँपालिका नेपाली काँग्रेस बेलडाँडी गाउँ कार्य समितिको लागि भएको निर्वाचनमा ८५ मत खसेका थिए जस्मा ३ मत बदर भएका थिए भने,४५ मत लिएर गजबहादुर विष्ट सभापतीमा निर्वाचित भएका छन् । उपसभापतीमा टिकाराम खडका, सचिवमा धनबहादुर रोकाया, सहसचिवमा देहुराम चौधरी रहेका छन् । लालझाडी गाउँपालिका श्रीकृष्ण रानाले आफ्ना प्रत्यासी राजेश रानालाई झण्डै दोब्बर मतले पछादै गाँउ सभापतिमा निर्वाचित भएका हुन । श्रीकृष्णले ६३ र राजेश रानाले २७ मत ल्याएका थिए । काँग्रेस कञ्चनपुरका नेता गोपाल गुरुङ्गले कुल ९३ मतदाता मध्ये ९० मत खसेको बताए । १ मत बदर भएको छ । उप सभापतिमा बिर बहादुर विष्ट, लक्ष्मण राना, सचिवमा रामेश विष्ट, मेघ राना, सह सचिवमा शिवनारायाण चौधरी र राम बहादुर चौधरी निर्वाचित भएका छन । कृष्णपुर नगरपालिका कृष्णपुरमा विष्णू खडका नगर सभापतिमा निर्वाचित भएका छन । उपसभापतिमा रामकृष्ण जोशी, कर्ण बहादुर सिंह सचिवमा महेन्द्र बिष्ट, दिल बहादुर सिजाली र सहसचिवमा रमेश भण्डारी, कुशालसिंह साउद निर्विरोेध चयन भएका हुन ।नगर उप सभापतिमा देबराज जोशी र हशिर सिह कुँबर आएका छन् । नगर सचिवमा हिमालय चन्द र हरेन्द्र कुमार भण्डारीको उम्मेवारी परेको छ । यसैगरी सह सचिवमा तारादत्त अवस्थी र ध्रवराज पन्त उम्मेदवार भएका छन् । शुक्लाफाँटा नगरपालिका शुक्लाफाँटा नगर समितिको सभापतिमा दान बहादुर ऐर निर्विरोध भएका छन् । काँग्रेसको १४ औं महाधिवेशन अन्र्तगत शनिबार नगर सभापतिमा ऐर एक्लैको उम्मेदवारी परेपछि उनी निर्विरोध भएका हुन् । नगर सभापतिमा निर्विरोध भएका ऐर काँग्रेस संस्थापनको एनपी साउँद समूहका हुन् । शुक्लाफाँटा नगरपालिका को नगर समितिमा समेत अन्य पदाधिकारीहरु पनि साँउद समूहकै आएका छन् । नगर उप सभापतिमा देबराज जोशी र हरि सिह कुँबर आएका छन् । नगर सचिवमा हिमालय चन्द र हरेन्द्र कुमार भण्डारी,यसैगरी सह सचिवमा तारादत्त अवस्थी र ध्रवराज पन्त गरि ७ सदस्यहरु निर्बिरोध चयन गरिएको नगर सभापति दान बहादुर ऐर ले बताए। दोधाराचाँदनी नगरपालिका दोधाराचाँदनीमा रमेश लेखक प्यानल, शुक्लाफाँटा र कृष्णपुर नगरपालिकामा एनपी साउद प्यानल निर्विरोध निर्वाचित भएका हुन । नेपाली काँग्रेस कञ्चनपुरका प्रचारप्रसार विभाग प्रमुख चक्र महताले तीनै पालिकामा सभापति सहितका पदाधिकारी निर्विरोध चयन भएको बताए । अन्य ६ पालिकाहरुमा निर्वाचन भईरहेको छ । भीमदत्त, बेदकोट, बेलौरी, पूनर्वास, सहमती हुन नसकेपछि चुनाव भईरहेको छ ।