धनगढीमा सवारी साधनले दुर्घटना बढयो,मोटरसाइकल पार्किङ गरी राखेका ट्रकसँग ठोक्ँिकदा एकजनाको मृत्यु

महेन्द्रनगर: 

कैलालीमा सडकमा रोकेर राखिएका सवारी साधनले दुर्घटनाको जोखिम बढदै जान थालेको छ । पार्किङ गरी राखेको ट्रकसँग ठोकिएर मोटरसाइकल दुर्घटना हुँदा एक जनाको मृत्यु भएको छ । गोदावरी नगरपालिकाको २ का ३० वर्षीय टेकबहादुर बोहराको मोटरसाइल दुर्घटना हुँदा मृत्यु भएको हो । ६ लेन सडक अन्तर्गत उपमहानगरपालिकाको ३ चटकपुरमा पार्किङ गरी राखेको ना ४ ख ३४२५ नम्बर ट्रकसँग से ४ प ८७३ नम्बरको मोटरसाइकल ठोक्किएको जिल्ला प्रहरी कार्यालय कैलालीका प्रहरी निरीक्षक खगेन्द्र साउँदले बताए । दुर्घटनामा घाइते भएका बोहराको सेती प्रादेशिक अस्पतालमा उपचारका क्रममा मृत्यु भएको उनले बताए । मोटरसाइकल पछाडि सवार गोदावरी नगरपालिका वडा नम्बर २ कै रामबहादुर पाल घाइते छन् । उनको सेती प्रादेशिक अस्पतालमा उपचार भइरहेको छ । ट्रक चालक कञ्चनपुरको कृष्णपुर नगरपालिका वडा नम्बर ३ बस्ने २८ वर्षीय दीपक भट्टलाई प्रहरीले नियन्त्रणमा लिएको छ । धनगढीमा सडकमा रोकिराख्ने सवारी साधनले दुर्घटना बढयो,मोटरसाइकल पार्किङ गरी राखेको ट्रकसँग ठोकिएर एकजनाको मृत्यु