कञ्चनपुरमा चोरीको मोटरसाइकल सहित एकजना पक्राउ

कञ्चनपुरमा चोरीको मोटरसाईकल सहित एक युवक पक्राउ परेका छन् । पुनर्वासमा नेपाल भारत सीमावर्ती क्षेत्रबाट चोरीको मोटरसाइकल सहित एकजना पक्राउ परेका हुन् । पक्राउ पर्नेमा बझाङ थलरा गाएँपालिका ५ हाल पुनर्वास नगरपालिका ६ घर ङ गाउँ बस्ने ३६ वर्षीय रमेश मिजार रहेको प्रहरीले जनाएको छ । ईलाका प्रहरी कार्यलय त्रिभुवन बस्तीको मतहतमा रहेको आस्थाई प्रहरी पोष्ट आई बी आर डी का इन्चार्ज प्रहरी सहायक निरीक्षक चौधरीको कमण्डमा खटेको टोलीले राती करीव १२ बजेको समयमा भारत तर्फबाट नेपाल तर्फ बाट आउदै गर्दा सिमावर्ती क्षेत्रमा उनलाई पक्राउ गरेको हो । सेतो रङको अपाचि १५० सिसिको मोटरसाइकल वास्तविक नम्बर प्लेट नै नभई शङ्कास्पद ढङ्गबाट मोटरसाइकल चलाइ आईरहेको अवस्थामा उनलाई पक्राउ गरेको ईलाका प्रहरी कार्यलय त्रिभुवनबस्तीका इन्चार्ज प्रहरी निरीक्षक कैलास सिंह बिष्टले जानकारी दिएका छन् । चोरीमा संलग्न रमेश परियार माथि चोरी मुद्दामा थप अनुसन्धान भइरहेको ईलाका प्रहरी कार्यालय त्रिभुवनबस्तीले जनाएको छ ।