पत्रकार भन्दै २५ हजार ठगी गर्ने दुई जना पक्राउ

महेन्द्रनगर । जिल्ला प्रहरी कार्यालय कञ्चनपुरले ठगी गर्ने २ जनालाई पक्राउ गरेको छ । नाइस टेलिभिजको रिपोर्टर बताउने गोबिन्द बिसी र सन्तोष भट्टले महेन्द्रनगरको साई मोवाईल केयर ग्यालरीबाट नगद ठगी गरेको आरोपमा पक्राउ गरिएको हो ।
महेन्द्रनगरको गल्ली नंम्बर ४ मा रहेको साई मोबाईल ग्यालरीमा बुधबार बेलुका ६ बजेको समयमा पसल दर्ता भए नभए विषयमा बार्गेनिङ्ग गर्दै २५ हजार रकम अशुली गरेका छन् । उनीहरुले मोवाईल ग्यालरीबाट दुई ओटा पावर बैंक समेत लगेको पसल संचालक अवदेश श्रीवास्तवले बताए ।
उनीहरुले बार्गेनिङ्ग सहित रकम लिएको सिसिटिभि क्यामेरामा कैद भएको छ ।
श्रीवास्तव भारतको बनवासा निवासी व्यपारी हुन । उनले कैलालीको सुख्खडबाट भागरथी धामीसंग विवाह गरेका छन । उनले श्रीमतीकै नामबाट महेन्द्रनगरको गल्ली नं.४ मा साई मोबाईल केयर दर्ता गरी सञ्चालन गर्दै आएका छन । दुई लाख दिन नसक्ने भएपछि दुई वटा पावर बैंक र २५ हजारमा बार्गेनिङ्ग भएको श्रीवास्तवले बताए ।
यता, जिल्ला प्रहरी कर्यालय कत्तचनपुरका डिएसपी शिद्धराज न्यौपानेले सोधपुछका लागि दुबै जनालाई ल्याईएको र उनीहरु आधिकारीक रुपमा पत्रकार हो होईन भनेर अनुसन्धान भईरहेको बताए ।