बाजुरामा महिलालाई जबरजस्ती करणी, एक जना पक्राउ

महेन्द्रनगर । बाजुरामा महिलालाई जबरजस्ती करणी गरेको आरोपमा एक जना युवक पक्राउ परेका छन् । मंगलवार बुढिनन्दा नगरपालिका –७ जेठारीबाडाका २७ वर्षीय घमण्ड जेठारालाई पक्राउ गरेको जिल्ला प्रहरी कार्यालय बाजुराका प्रहरी निरिक्षक धनदेव सावदले जानकारी दिएका छन्
उनले २५ वर्षीया महिलालाई सोमवार राती अन्दाजी ९ बजेतिर घरमा कोही नभएको मौका छोपी जवरजस्ती गरेको आरोप लागेको छ ।
उनी एक्लै भएका बेला ढोका फोडी घरभित्र पसेर जबरजस्ती करणी गरेको बताइएको छ । जेठारालाई पक्राउ गरी थप अनुसन्धान गरिरहेको प्रहरीले जनाएको छ ।