बाजुरामा भालुको आक्रमणबाट घाइते कौशिल्लालाई बुढिगंगा नगरपालीकाले आर्थिक सहयोग

महेन्द्रनगर । भालुको आक्रमणबाट घाइते कौशिल्ला नेपालीलाई बुढिगंगा नगरपालीले आर्थिक सहयोग गर्ने भएको छ । गरिविका कारण उपचारमा समस्या भएपछि कौशिल्लाको उपचारका लागि आतेजाते लाग्ने खर्च नगरपालिकाले गर्ने नगर प्रमुख दिपक बिक्रम शाहले बताए ।
बाजुराको बुढिगंगा नगरपालिका ९ बस्ने २१ बर्षिय कौशिल्ला बिहिवार दिउँसो गाउँ नजिकै गोठालो गएको बेला भालुले आक्रमण बाट घाइते भएको आमा दिलु नेपालीले बताईन् । कौशिल्लालाई भालुले आक्रमण गर्दा उनको उपचारका लागि अछाममा रहेको बयालपाटा अस्पतालमा भर्ना गरिएको थियो ।
उनकोे उपचारका गर्न घरायसी अवस्था कमजोर भएकाले उनको उपचारमा कठिनाई आएको उनका आफन्तले जनाएको छ । अछामको बयालपाटा अस्पतालमा उपचार सम्भव नभएपछि उनलाई शिक्षण अस्पतालमा उपचार गराइरहेको आफन्तले बताएका छन् ।