कञ्चनपुरमा बेवारिसे अवस्थामा बन्दुक भेटियो

महेन्द्रनगर । जिल्ला प्रह्री कार्यालय कञ्चनपुरले बेवारिसे अवस्थामा भरुवा बन्दुक फेला पारेको छ । ईलाका प्रहरी कार्यालय गुलरियाबाट खटिएको प्रहरी टोलीले गस्ती गर्ने क्रममा ग्वाँसी समैजी सामुदायिक वन जंगलबाट शनिबार साँझ ७ बजे कृष्णपुर नगरपालिका–४ किचाईस्थित चैनपुर शिविर वडा क्षेत्रमा उक्त बन्दुक फेला परेको हो ।
बरामद एकनाले भरुवा बन्दुकको बारेमा थप अनुसन्धान भइरहेको कञ्चनपुर प्रहरीका प्रवक्ता प्रहरी नायव उपरीक्षक सिद्धराज न्यौपानेले बताए ।