नेपाल एयरलाईन्सको बिमानमा बम रहेको हल्ला

भारतको नयाँदिल्लीबाट काठमाडौं आउन लागेको नेपाल एयरलाईन्सको बिमानमा बम रहेको हल्ला चलेपछि बिमानमा चेकजाँच भइरहेको छ ।

नयाँदिल्लीबाट काठमाडौं आउनुपर्ने नेपाल एयरलाइन्सको आरए-२०६ बिमानमा बम भएको हल्ला चलेको हो ।

सेक्यूरिटी अपरेसन सेन्टरले सबै सम्बन्धी एजेन्सीलाई यसबारे जानकारी गराइसकेको छ । साथै आफ्नो स्टाफलाई अलर्टमा राखेको छ । जाँचमा कडाइ गर्नुका साथै पेट्रोलिङ पनि बढाइएको छ । यसअघि अप्रिल १८ मा दिल्ली विमानस्थलमा एक विमानलाई बमले उडाउने धम्की प्राप्त भएको थियो ।

त्यतिबेला बैङ्गलुरुदेखि दिल्ली आउने विमान एक यात्रुले उक्त पर्चा भेटेका थिए । जसमा विमानमा बम भएको लेखिएको थियो । त्यस्तै, दिल्ली पुग्ने बित्तिकै विमानमा विस्फोट हुने उल्लेख थियो । विमान दिल्ली पुग्ने बित्तिकै बम डिस्पोजल स्क्वाडले जाँच गरे पनि बम फेला परेन । २० जुलाईदेखि राजधानीमा हाई अलर्ट जारी छ ।

जासुसी एजेन्सीहरुले १५ अगस्तअघि ड्रोनको माध्यमबाट आतङ्कवादी हमला हुन सक्ने बताएका छन् ।

अहिले त्यहाँको सुरक्षा व्यवस्था कडा बनाइएको छ ।