भीमदत्त नगरपालिका १८ मा वाईसियल ब्यूँतियो मदन नेपाली

नेकपा माओवादी केन्द्र निकट योङ्ग कम्यूनिष्ट लिक(वाईसियल) नेपालले एक संघीय निर्वाचन क्षेत्रमा हजार वाईसियल सदस्य विस्तार अभियान अन्र्तरगत भीमदत्त नगरपालिका १८मा समेत संगठन विस्तार गरेको छ ।
वाईसियल भीमदत्त नगर कमिटिले मंगलबार भीमदत्त नगरपालिका १८नम्बर वडामा संगठन विस्तार गरेको हो । ईश्वर थापा मगरको संयोजकत्वमा ५१ सदस्यीय वडा कमिटि विस्तार गरेको छ । वाईसियल भीमदत्त नगरका अध्यक्ष बलराम एकेले भीमदत्त नगरका अधिकाँस वडाहरुमा वाईसियल ब्यूतिएको बताए ।
वाईसियल भीमदत्त नगरपालिका इन्चार्ज तुल बहादुर थापाको अध्यक्षतामा नेकपा माओवादी केन्द्र जिल्ला कार्य समिति कञ्चनपुरका सदस्य आनन्द सिह धामीको प्रमुख आथित्यमा सदस्यता वितरण तथा संगठन निर्माण भएको हो । वाईसियलले भीमदत्त नगरपालिका ८बाट संगठन विस्तार गरेको थियो ।