जनभुलेइ डाँडिका बाज

महेन्द्रनगर: जनभुलेइ

जनभुलेइ जनभुलेइ डाँडिका बाज, गैरि दुबा चाैड

बाज परेवा एकैसाथ , मिलि बसेकि ठाैर

जनभुलेइ बरिखाका पानी, पिछाैडाे रूजेकाे

एक् अाेराड एकै मुनाे, दिल चित्त बुजेकाे

                                                                        जनभुलेइ गर्माकि गा:ड, ढुङा बगाएका

                                                                        माैका छाेपी तनै ढुङा , पिठि लगाएका

                                                                        जनभुलेइ बाेतलका पानी , बाेतलकाे पीडा

                                                                        पानी भद्द्या श्रमिकका ,छातिउनका चिरा

जनभुलेइ सिउँनाति घट्ट, पानलाे टाेडेकाे

मसिना धुलाका निम्ति, घरबार फाेडेकाे

जनभुलेइ बेसनका बाेट, बाेकडा गाडेका

थकिगलि से:ल बस्स्या,बटाैन्या ताडेका

                                                                                           जनभुलेइ डाँडिका बर, पात ताेडि खितेका

                                                                                           अाज हाेइग्या ऐनाबातै , दुख्ख जाे बितेका

                                                                                           जनभुलेइ खाेलीका चिउरा, तेराे म: खाएकाे

                                                                                           रूखै चडि पात टिपी, पतला लाएकाे

जनभुलेइ खर्सुका जडा, बत्ती निमाएकाे

सक्द्याभया छानवीन गरेइ, कै ले विराएकाे

जनभुलेइ तैं गाईका बाच्छा,लठ्ठिले हाँणेकाे

निचाेडि खायाे छन्ज्यासम्म,उतिपछा ताडेकाे

                                                                                                जनभुलेइ गुलाबका बाेट, काेपिला चुँडेकाे

                                                                                               अपराधीलाई बचाैनाकि, जाल जेउडा बुणेकाे

                                                                                               जनभुलेइ अबाेला शिला, डाँडा धुरा जाँ छै

                                                                                               लुट्टाइमा छन् निर्धानलाई, राेक्दै कन काँ छै

नाइ भुल धुराकाे छन्या, सुच्चा त सुच्च्या हाे

जन्ताकाे उठिवास भया, त्वलाई काे पूज्ज्या हाे

नाइ भुल तालकाे वीर, नाइ छाड डाँडाकाे

                                                                                                     लागि झालाे से:लाे बीस , किर्मडि काँडाकाे

                                                                                                    हिट्टाइ रया बिरायाजन , कसैकि नाइ डर

                                                                                                    देर हाेलि अन्धेर नाइ हाे, देवताका घर